International Auxiliary Languages
Register
Advertisement

Romanica es un lingua planificate, disveloppate ab le elementos commun al linguas romanic, le descendentes moderne del Latino. Su creator ha essite Josu Lavin. Le data de nascentia de iste lingua es le 15 Maio 2001. Illo es similar al lingua planificate appellate Interlingua, con le qual illo es sovente comparate como un variante. Illo ha multo minus parlantes que Interlingua de IALA.

Post le cadita del Imperio Roman, le varie dialectos regional del Latino Vulgar comenciava a diverger, e finalmente deveniva linguas mutualmente incomprensibile, nunc cognoscite como le linguas romanic o romance. Le structuras grammatical e le vocabularios de iste linguas es ancora multo similar. Romanica extrahe le elementos commun de iste linguas e forma un idioma complete, facilemente comprensibile per qualcuno qui sape un del linguas de fonte. Su supportatores dice que le studio de Romanica facilita in grande maniera le studio de qualcunque lingua romance plus tarde.

Le vocabulario de Romanica es essentialmente trovate in le IED (Interlingua-English Dictionary), publicate per le IALA (International Auxiliary Language Association) in 1951, e usate como le base del lingua international Interlingua. Consequentemente, Romanica resimila multo a Interlingua in multe aspectos. Nonobstante, su supportatores dice que Romanica es un lingua distincte in su proprie derecto, e non solmente un variante de "Interlingua de IALA". Simplemente on poterea pensar de Romanica como le denominator commun del linguas descendente del Latino Vulgar.

Le grammatica de Romanica es derivate ab le elementos commun al linguas romance; le adjectivos concorda in numero e genere grammatical con le substantivos que illos modifica, le verbos son conjugate con respecto a persona e numero, etc.

Ligamines Externe[]

Advertisement