FANDOM


Occidental Interlingue

Li pipe de cann terre. Edit

ex: 'Un Libre Blu' de August Strindberg


Li Magistro continuat: It existe blanc mannes, quel ha esset seductet del féminas del simiones; li infantes deveni bastardes e vive in disharmonie, lucta contra li satanic matrinale, quel illi recivet in se; quelc lucta in van, altris trova li auxiliator, e it existe solmen un: Jesus Kristus il es nominat, superator del demones. Tu save, que yo esset un tal e eat tra li batal'e, quel támen ancor ne es finit. Li simiones predica tolerantie, per to intentente, que on mey tolerar les in ínfinite, mey lassar les predicar índisturbat e far propaganda, durantque illi plu o minu celat persecuta li christianos. Tam bentost, quam illi flara christian sangue, illi treme, poy illi comensa "excluder" li "íncredente"; su nómine ne es mentionat, e si it eveni in presse, it es extondet; si il in ante appartenet al convent del simiones, il nu es nominat apostat e deve morir quam un trahitor. Quande un simion mori, il recive apotheose, pro manca de un pantheon. Durant li sepultura on calcula li guirlandes e inspecte li inscritiones; qui manca es "excludet". Totalmen quam che li sabat del sorcieras, u li fideles dat su symbole de crede, besante li Adversario sur li cul.

Ma it eveni, si illi voca a Pan, que il responde con li pipa de cann, e si il monstra-se poy, in li forest, li dormitorie, li porta del scaf, illi es captet de un panic terrore, include-se, plorante quam infantes, queles time li tenebrositá, o fui till sanatorias por curar su neurastenie, su insomnitá e su cordial defectes.


trad. Sebastian Hartwig

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.