FANDOM


Occidental Interlingue

Li miracul del Rey de ginestre. Edit

ex: 'Un Libre Blu' de August Strindberg

Un vésper li instructor promenat con Johano ínter li pratres de trifolies e audit alcun son, quel simileat a crex crex. - Quo to es? questionat li instructor. - To es comprensibilmen li rey de ginestre. - Esque tu videt li rey de ginestre? - Nee. - Qualmen tu do save, que it es ti avie? - On di to. - Vide! Ma si yo jetta un lápide, esque poy li avie vola ad supra? - Ne, proque it ne posse volar o vola tre mal. - Ma it vola sempre ad in Italia in autumne. Qualmen it fa to? - To yo ne save. - Quo di li zoologicos? - Necos. - Esque illi crede, que it vola trans li Öresund, ea tra Germania, migra súper li Alpes o tra li Tunnel de Sant Gotthard? - Illi di necos. - Nu, Brehm calcula quelc alaudes ye omni acre e pratre. Si noi calcula quelc reyes de ginestre ye omni hectar, nor land possede quin million reyes de ginestre in li verne. E pos quande li fémina jetta 7 till 12 oves in li estive, existe do in nor land 35 million reyes de ginestre in li autumne. Esque on ne vell vider les, quande illi vola o migra trans Öresund? - Yo ne posse explicar to. - Un mal volator ne posse volar trans Öresund. Esque it forsan ea círcum li Bottnic golf? - Ne, ta it vell dever passar fluvies e li trac vell esser videt quam ti del lemmings. In céteri Anglia have 70 million reyes de ginestre in chascun autumne, e tis ne posse círcumear. - Do ta eveni un miracul? - Quo es miracul? - To, quo on ne posse explicar, ma ne have li jure contestar. - Do li migration del rey de ginestre es un miracul e deve evenir secun ínconosset leyes natural o deve esser supernatural.


trad. Sebastian Hartwig

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.