FANDOM


Occidental Interlingue

Li luscinia in li viniera. Edit

ex: 'Un Libre Blu' de August Strindberg

Johannes eat con li instructor in li viniera, justmen quande floreat li branches del vin e expandet lor dulci, fin parfum, simil al Reseda. - Esque tu conosse li parfum? questionat li instructor. - O yes, it es ti del vin! - Esque tu posse vider it? - Ne, it ne es visibil. - Ergo tu posse e creder ye e juir lu ínvisibil. Do, tu es sur li via.

Un luscinia sidet in un granat-árbor e cantat. Esque tu posse vider su tones? questionat li instructor. - Certli ne. - Ma tu jui les; in sam maniere yo jui li Invisibil Déo per su maniere revelar se, in bellitá, bonitá e justess. Esque tu ne crede, que Déo revela se tal, qual li luscinia in ínvisibil ma audibil tones? - Cert. - Dunc, tu crede ye revelationes? - Yo deve do. - Tu crede, que Déo es un spíritu? - Yes! - Tu crede, dunc, ye spíritus? - Ci tu erra: Yo crede ye ún spíritu. - Esque ne li homes possede spíritus o ánimas in lor córpores? - Supposibilmen yes. - Ergo tu crede ye spíritus, i. e. ye li existentie de spíritus? - Tu es rect; yo crede ye spíritus. - Ne oblivia to li proxim vez, quande on demanda te; e ne time, quande veni li Dómino del sterc e menacia te per li perdida del pane, del honore, del matre e del filies!


trad. Sebastian Hartwig

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.