FANDOM


Occidental Interlingue

Li hupupa sur li Insul del Predir
o
Un casu ínusual

ex: 'Un Libre Blu' de August Strindberg

Johannes migrat un vez e venit till un forest. In un vel'i árbor il trovat un nest con sett oves, queles simileat a tis del grand hirund; ma ti avie posi solmen tri oves, ergo to ne esset su nest. Proque Johannes esset un grand conossero de avies, il strax videt, que li oves esset del hupupa, e il dit in su cap: Li hupupa deve trovar se ci in li proxim circumité, quáncam li libres di, que it ne trova se ci in ti loc. E vermen pos un curt témpor il audit li celebri hup, up, up; e ta il savet, que li hupupa trovat se ta. Il occultat se detra un rocc, e bentost il posset vider ti punctuat avie con su aurin crest.

Quande il revenit pos tri dies, il racontat a su instructor, que il videt li hupupa sur li Insul del Predir. Li instructor ne credet to, ma postulat un pruva. - Un pruva? Esque tu vole dir du testimones? - Yes. - Bon. Yo have du vez du testimones, queles consenti inter se: mi du aurel'es audit it, e mi du ocules videt it. - Posse esser, ma yo ne videt it, respondet li instructor.

Johannes recivet li nómine archimentiard, pro que il ne posset pruvar, que il videt li hupupa ta e ta. Ma it esset támen un fact, que li hupupa trovat se ta, quáncam to esset un casu ínusual.

trad. Sebastian Hartwig

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.