Fandom

International Auxiliary Languages

Li 13m axiom

568pages on
this wiki
Add New Page
Talk0 Share

Occidental Interlingue

Li 13m axiom.Edit

ex: 'Un Libre Blu' de August Strindberg

Li 12m axiom de Euklid expresse se, quam conosset: Si un rect linie tucha du altri tal, que li angules interni in li sam látere, si on les contracte, forma minu quam 180 gradus, in ti casu va tuchar se ti du linies, si on extende les ad ínfinitum, in ti látere, in quel sta ti du angules, queles contractet have minu quam 180 gradus.

Si to es un self-evident phrase, quel on ni posse ni besona pruvar, qualmen plu clar es dunc li axiom pri li existentie de Deo?

Ti, qui prova pruvar un axiom va confuser se in contraditiones. Pro to noi nequande deve provar pruvar li existentie de Deo.

E ti, qui ne posse comprender lu self-evident in un axiom, ti appartene a ti hom-infantes, qui have difficilitás a comprender, e li desavantageatos on deve regretar, ma ne punir. Si on vole dar un definition de Deo, on di unesimli, que il es omnipotent; ex to secue quam corollarie, que il posse aboli ti leyes, queles il ha instituet; ma proque noi ne conosse omni de su leyes, noi ne save, quande il admisse un leye ínconosset a nos, o aboli un leye conosset a nos. To, quel noi nomina miracul, posse dunc resultar secun exact regules, queles noi ne save. E noi deve pro to gardar nos, que noi in vise de phenomenes ínusual o ínexplicabil ne fa misconclusiones, queles da nos ricana e despection de ti proximos, qui comprende facilmen.

trad. Sebastian Hartwig

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.