FANDOM


  1. Universitates in plure paises ha acceptate le studio de interlingua como parte de un doctorato. I.a. le "Volksuniversiteit" in Nederland, AUPAC in Paris (Francia), le Universitate de Pennsylvania in le SUA, le Universitate de Odessa (Ukraina).
  2. Le contos per Hans Christian Andersen se trova abundantemente in interlingua. Le libro "Septe Contos" ha essite registrate sur cassetta per interlinguistas cognite. Omne le editiones de H.C. Andersen in interlingua se trova del resto al Museo de H.C. Andersen in Odense, Danmark, ubi illos es exhibite.
  3. Le vice-presidente del parlamento svedese, Bertil Fiskesjo, aperiva le 10-me Conferentia International de Interlingua in Helsingborg, Svedia, in augusto 1991, in interlingua.
  4. Le ministerio agricultural statounitese ha editate duo spisse volumines super como combatter maladias de plantas, destinate pro uso in le tertie mundo. Le libros es in anglese e interlingua.
  5. Le Museo de Ole Romer in Vridslo Osemagle, al west de Copenhagen, Danmark, offere al multe visitantes ab tote le globo un brochure in interlingua super le labor excitante de trovar le observatorio rural del famose astronomo danese e establir le parve museo de recognition mundial. Ole Romer discoperiva le "hesitation del lumine".
  6. Bibliographia de Interlingua, le lista gratuite de libros inviate a omne abonatos del "Panorama" in le initio de cata anno, ha debite esser allargate pro haber spatio pro omne le nove publicationes in e super interlingua. Le premiato Nobel de scientia economic, professor James M. Buchanan, SUA, es membro honorari del Union Mundial pro Interlingua. Ille acceptava le posto in 1990.
  7. Le instituto demographic al Universitate de Gothemburg, Svedia, ha editate un "Demographic Dictionary in Interlingua, English and French".
  8. Le litteratura in interlingua comprehende obras de i.a. Dante, William Shakespeare, Julio Cesare, Lucretio, Catullo, Vergilio, Horatio, H.C. Andersen, Astrid Lindgren, August Strindberg, Luigi Pirandello, Herman Bang, Carlo Collodi, Kurt Tucholsky, Anton Tchekhov, Tomas Transtromer, Walt Whitman, T.S. Eliot, Mao Tse Tung, Bertolt Brecht, Bo Bergman, Harry Martinson (premiato de Nobel, 1974), Ludvig Holberg e Moliere.
  9. Le burgomaestro del citate nederlandese Heino, Ton van den Berg, es un membro multo active del Societate Interlingua-Nederland.
  10. Le Parlamento Europee arrangiava le 29 de septembre 1993 un die integre de discussiones super le thema "Le problema del communication e del linguas in le Communitate Europee - a qual puncto poterea un 'lingua planificate' contribuer a su solution?" Le conferentia, organisate e fundate per le Fundation Hanns Seidel, esseva aperite per dr. Egon Klepsch, presidente del parlamento. Interlingua esseva un del linguas presentate. Un suggestion esseva que omne scholares in le Union Europee deberea studiar duo linguas "estranier" - un lingua planificate e un lingua national.
  11. Casas editorial professional ha editate libros de interlingua. Le casa le plus grande pro litteratura a inseniamento in Svedia, Esselte, ha publicate le manual famose "Interlingua - instrumento moderne de communication international" per mag. fil. Ingvar Stenstrom. Le manual hodie existe in versiones svedese, danese, hungare, german, francese, norvegian, portugese, romanian, russe. Le Universitate de Lund in Svedia ha editate le dictionario interlingua-svedese.
  12. Le Universitate de Passo Fundo ha editate le dictionarios portugese-interlingua/interlingua-portugese.
  13. Le Consilio Nordic labora con un proposition de introducer interlingua in le scholas nordic.
  14. Expertos recommenda interlingua in le gymnasios svedese. In un reporto ab 1989 al ministerio svedese de education teol. dr. Jan Jansson constata que interlingua "malgrado le limitate tempore de inseniar pote esser apprendite relativemente rapidemente." "Le disciplina cognoscentia general linguistic ha sovente per le alumnos essite considerate un thema non-real del specie lingual-historic e theoreticamente linguistic. Per in vice ligar un lingua existente le interesse del alumnos ha crescite, lo que i.a. es speculate per que bastante multe alumnos selige le disciplina como curso avantiate de studios. Specialmente pro scientistas natural le thema es utile, i.a. proque un certe litteratura scientific, p.ex. summarios de articulos in international magazines scientific es publicate in interlingua."

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.