Fandom

International Auxiliary Languages

Euklid dúdeci sett

568pages on
this wiki
Add New Page
Talk0 Share

Occidental Interlingue

Euklid dúdeci sett. Edit

ex: 'Un Libre Blu' de August Strindberg

Johannes questionat: Esque tu posse pruvar li existentie del trinitá e su possibilitá? - Li instructor respondet: Esque tu save li mathematica? - Tre poc! - Tal it va esser desfacil por te accepter mi pruva. Ma si tu vole, yo va pruvar te, que «Chascun prisme, quel have un triangular base, posse divider se in tri pyramides, queles es sam grand ínter se e have triangulari bases.» (Euklides XII: 7.) - Ne pena, proque yo ne posse secuer te. - Do, yo mey far li problema plu facil. Tu dúbita, yo audit, que tri posse esser un? Ma tri ters es ya támen un, o ne? - Certli! - Doo? - Tu es rect. - No, yo ne es, e nu tu mey vider, qual simplic tu esset misductet. Nam si tu prende terses de divers grandore, illi ne deveni un. Nu tu mey vider plu, quant debil es li mathematica quam medie de pruvation. Quant mult es quinanti partes e quinanti partes? - To es cent partes. - Ma ne sempre, nam 50 partes aqua e 50 partes acid sulfuric da me 97 partes in vice de 100. Ergo 50 e 50 posse esser 97. Forsan noi besona un mathematica plu alt por pruvar li trinitá? Forsan it es tam facil, que noi pruva it per to, que tri terses del sam es egal con un, con li un e sam; o forsan to es un axiom, quel ne es pruvabil. - No, it ne es evident. - Ne por me, tu deve dir. Ma esque tu crede, que un prisma con trinagular base posse esser dividet in tri pyramides, queles es sam grand ínter se? - To yo crede, proque Euklid pruvat to. - To on nómina crede in autoritá! Vide! Vide! Ma - sur un altri nivell; in un rect maritage mann e fémina es un; e quande li infante veni in plu a to; ti tri es un. To es evident por nos. O ne?


trad. Sebastian Hartwig

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.